Assistenta u assistent da revisiun
Ensemen per il Grischun
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Assistenta u assistent da revisiun
Controlla da finanzas | 80–100 % | Cuira
La Controlla da finanzas è l'organ spezialisà suprem da la surveglianza da las finanzas. Ella sustegna il Cussegl grond, la Regenza e las dretgiras en la surveglianza da las finanzas da l'administraziun e da l'administraziun giudiziala. Las lavurs da la Controlla da finanzas vegnan fatgas tenor standards renconuschids (SA-CH, IIA e Cobit) e tenor directivas dal dretg administrativ e da l'economia da manaschi.
Tschertgas ti l'access al mund captivant da la revisiun? Per il 1. da november 2024 u tenor cunvegna dain nus questa pussaivladad ad in'assistenta u ad in assistent da revisiun motivà (80–100 %).
Tes champ d'incumbensas
- Gidar a controllar il quint annual dal chantun, ils mandats sco post da revisiun e las finanzas dals posts da servetsch chantunals
- Gidar a verifitgar l'existenza e l'efficacitad dal sistem da controlla intern per process da gestiun e per projects relevants
- Gidar a controllar la rentabilitad e la legalitad da fatgs che pertutgan il dretg da finanzas
- Purtar la cunresponsabladad per ina rapportaziun professiunala e qualifitgada, che generescha plivalurs sco er segirezza per ils posts controllads e per las instanzas politicas
- Surpigliar successivamain la responsabladad per singuls mandats da controlla
Quai giavischain nus da tai
- Scolaziun terminada en contabilitad u en economia da manaschi en ina scola auta spezialisada u universitad
- Emprimas experientschas praticas en la revisiun u en l'administraziun fiduziaria èn d'avantatg
- Prontezza d'acquistar in diplom u in certificat en il sectur da revisiun u d'absolver, cumplementarmain a la professiun, ina scolaziun equivalenta
- Bun dun receptiv per connexs cumplexs sco er gronda independenza ed atgna iniziativa
- Gronda prontezza d'emprender e prontezza da prender per mauns novs aspects e novs problems
- Demananza segira e persvadenta cun fermezzas en la communicaziun objectiva, averta e gista
- In proceder logic e sistematic en connex cun analisas
- Svelta identificaziun da connexs interdisciplinars e da las dumondas che resultan da quels
- Fitg buna expressiun en scrit en tudestg per pudair gidar a scriver rapports pretensius
- Persunalitad ch'è orientada al team e che pensa en moda interdisciplinara
- Experientschas en il sectur da l'analisa da datas èn bainvegnidas
Nus ans legrain da tia annunzia online e d'emprender d'enconuscher tai.
Per dumondas stat Marco Maissen, manader da partiziun, gugent a tia disposiziun sut il numer da telefon 081 257 32 78.
Termin d'annunzia: 27 d'avust 2024
About the company