Supportra u supporter dad ICT
L'unic chantun triling da la Svizra è in chantun multifar tant en quai che reguarda l'economia, la cultura sco er la politica. Cun 7106 km² è il Grischun il pli grond chantun da la Svizra e cun 150 valladas, 615 lais, 140 lieus da vacanzas e nundumbraivels dis da sulegl per onn porscha el in'auta qualitad da viver. L'administraziun chantunala dal Grischun è gist tuttina variada sco nossa cuntrada.
Es ti pronta u pront da gidar a sviluppar la transfurmaziun digitala? Sco center da servetschs e da cumpetenzas per IT da l'administraziun chantunala dal Grischun sustegnain nus nossa clientella interna cun ina infrastructura da basa segira e cun applicaziuns progressivas. Ensemen cun tai faschain nus avanzar la transfurmaziun digitala dal chantun Grischun.
Nus sco Uffizi d'informatica tschertgain perquai per immediat u tenor cunvegna ina supportra u in supporter dad ICT
Sco supportra u supporter dad ICT es ti cumpetenta u cumpetent per administrar l'infrastructura da Client da nossa clientella.Ti elavuras annunzias da disturbis en il support dal segund nivel e documenteschas quellas en il sistem dal IT service management. Ti ans gidas ad introducir ed a far funcziunar las applicaziuns spezialisadas e collavuras en projects dad ICT captivants.
Ti has absolvì ina scolaziun u ina furmaziun supplementara en informatica ubain has experientscha en il 2nd level support e sas administrar sistems da Microsoft Client. Sco persunalitad independenta e fidada cun ina gronda orientaziun a la clientella ed als servetschs has ti atgna iniziativa, in pensar analitic ed ina buna perseveranza. Plinavant tutgan latiers ina moda da lavurar structurada e fidada ch'è orientada al team sco er bunas enconuschientschas dal tudestg.
Per dumondas davart la professiun contactescha Andreas Schmid, manader dal support dad ICT, sut il numer da telefon 081 257 32 91.
Per dumondas davart la procedura da recrutaziun contactescha Seraina Candinas, responsabla per il persunal, sut il numer da telefon 081 257 31 78.
Termin d'annunzia: 29 d'avust 2024